إزاى المشرفين بيتعاملوا مع الاعضاء
ههههههههههه بس مش احنا طبعا فى منتديات تانيه
موضوع للضحك فقط !!
اول ما تهل العضوه وتسجل في المنتدي
اهلا وسهلا بيكى يا بطله انتى فينك من زمان ؟ تعالي ياحبيبتى
طبعا الست هانم مبسوطه من المعاملة وايه بقي اخده مقلب في نفسها
تمام زى كده ايام زمان 
بس برضو البنت لسه جديده ومش عارفه قوانين المنتدي كويس
تبدا تغلط غلطة صغيرة كده
بعد اسبوع كده
وبعدين معاكى ياحبيبتى انتى لازم تاخدى بالك من القوانين وتنفذيها - متعصبيناش بقي ماشي ؟؟
طبعا كده الست هانم ايه اتطمنت وافتكرت ان ليها ضهر جامد بقي وتعمل اللي عاوزاه
فطبعا ترجع تغلط تاني
بعد شهر كده
يظهر ان مخك طخين ومش بتفهمى بالذوق لازم تاخدى علي راسك يعني؟
كده بقي هتبدا تعرف ان مافيش ضهر ولا بطن ولو غلطت هتتروق
بس الست هانم باين عليها بتحب العند شويه
فتكابر وتغلط تاني بس بمزاجها المره دي
بعد شهرين تقريبا ودي اخر مرة خلاص
انتى مين اللي جابك عندنا يابت انتى ؟
انتى مين اللي عرفك طريق المنتدي بتاعنا ده هاه انطقى ؟
الرئيسية 
